香港人忙，乜都要快，就你知、我知，大家知。学大师兄话斋：「分分钟几百万上落㗎。」，真係去快餐店食个饭嘅时间都无呀！面对呢个情况， 大家乐近期就开咗间比快餐更快嘅速食店，话要将Grab ＆ Go（快速得到）嘅概念带入快餐市场。咦！咁咪即係同即叮即食嘅「波仔饭」有异曲同工之妙？非也，因为店铺背后有厨房新鲜製作，基本上是个热食饭盒。等记者即刻望吓呢间名为「大家乐一百加」嘅速食店有咩特别先！

简洁店面 设「立食」位置

「大家乐一百加」嘅店面以白木墙身、木造地版为主，甚有简洁「北欧风」嘅设计，不论Logo设计同店面布置都同平日快餐店嘅形象好大出入，完全唔似係「平民路线」速食店！

冷柜主要分饮品冷柜区及食品恆温柜两边，饮品柜除咗有普通汽水外，亦见有唔同牌子嘅贵价果汁、水、沙津同三文治售卖，旁边的水吧依旧可以沖调饮品，感觉都几High-class。而恆温食品柜就为个饭盒保持热温，呢个就係同叮叮饭嘅分别，大家可以在热食柜拣选完之后，饭盒即时食用，真係快过快餐喎！

另外，店内亦仲有零食架，有唔同嘅港式小食，包括甜话梅、特级风琴鱿鱼、古法製柠檬姜等！

买完个饭仲要慢慢拎返公司？唔驶烦啦！店内亦设有「立食」位置，畀客喺度即刻买、即刻食，快快手搞掂！

大家乐「速食饭」种类唔少，中式、西式，竟然连车仔麵都有，而价钱都係四十蚊有找，睇嚟值得一试！而以下部分热荤食品嘅包装备有隔热手挽，客人唔驶惊烫亲手，呢个细心位值得加分。店内有分早餐、午餐同下午茶时段，供应唔同食物。

早餐时段：

一哥糯米鸡套餐 ＄27

呢个糯米鸡份量够大，早餐食完应该可以直撑到Lunch Time呀！

午餐时段：

芝士厚切一哥焗猪扒饭 ＄39

呢个「焗猪饭」平时喺餐厅食起码都等15分锺，而家有得即食又几吸引！

芝士焗肉酱扁意粉 $36

排骨四宝三色米蒸饭 $38

睇相望个四宝饭就几足料啦，唔知入面会唔有啲蒸饭焦呢？

下午茶时段：

「随你加车仔麵」＄32起

速食店有「车仔麵」买走真係第一次听，客人可以喺食品柜拣完麵底（有油麵、米线、乌冬同米粉供选择）后，就喺配料纸拣配料，厨房就会即整即包！

＄5奶茶益中环友

由于开业初期，「大家乐一百分加」就推出咗5蚊奶茶吸客，适用于任何时段，真係唔去买佢地嘅「速食饭盒」，去饮返杯平奶茶都好。

大家乐一百加 CdC Hundred & More

地址：中环中心 1 楼 3 号舖

电话：2445 7889

营业时间：星期一至五 7am – 6:30pm，星期六 7am – 5pm，星期日及公众假期休息